Móðurmálsaðferðin - einkenni

Börnin eru látin hlusta á námsefnið og læra það eftir eyra. Það er mælt með því að hlustað sé núna á námsefni sem börnin koma til með að læra efir þrjú ár! Barn sem aldrei heyrir talmál lærir ekki að tala. Barn sem aldrei heyrir góða tónlist þroskar ekki með sér tónlistarhæfileika!

Hægt er að byrja snemma, þriggja til fimm ára, en hlustun getur hafist strax við fæðingu, jafnvel fyrr!

Aður en formlegir tímar hefjast eru börnin látin fylgjast með öðrum börnum spila og fara í spilatíma hjá öðrum börnum til að vekja áhuga þeirra og skapa öryggiskennd

Foreldrar verða að koma í alla tíma, skrá heimaverkefni, æfa með barninu heima daglega og sjá til þess að námsefnið hljómi í umhverfi barnsins daglega, rétt eins og móðurmálið.

Námið hefst á foreldrafræðslu þar sem foreldrarnir læra um aðferðina og helstu handtök við hljóðfæraleikinn..

Foreldrar verða að skapa jákvætt umhverfi til námsins og hafa ánægju af að vinna með barninu. Jákvætt umhverfi,tiltrú, uppörvun og hrós fyrir það sem vel er gert skiptir sköpum varðandi námsárangur.

Stöðugar endurtekningar eru nýttar til að byggja upp tækni sem verður eðlileg og rétt án umhugsunar eða áreynslu. Börn hafa gaman af endurtaka það sem þau geta!

Stöðug upprifjun er iðkuð, hún eykur færni og þjálfar minni, löngu lærð verkefni eru notuð til að kenna nýja tækni

Lestur er kenndur þegar nemandinn er búinn að ná þannig valdi á hljóðfærinu að hann þurfi ekki að einbeita sér að hlutum eins og handstöðu eða eðlilegri tónmyndun, og hún haldist þó einbeitingunni sé beint að öðru

Lengd kennslustunda ræðst af einbeitingargetu nemandans

Einbeitingu barnsins er beint að einum hlut í einu

Námshraði og yfirferð ræðst af barninu sjálfu

Áhersla er lögð á góða tónmyndun, "tónninn er sál tónlistarinnar"

Herminám, hlutirnir eru sýndir fremur en útskýrðir, útskýringar eru fyrir fullorðna! Á sama hátt læra börnin að tala og ganga!

Í hóptímum er félagslegi þátturinn virkjaður, ýmis tækni- og túlkunaratriði eru þjálfuð í lögum sem nemendur kunna vel, gjarna með leikjum.

Hluti af aðferðinni er að koma fram á tónleikum og taka þátt í námskeiðum, sameiginlegt alþjóðlegt námsefni gerir nemendum og foreldrum auðvelt að taka þátt í suzukinámskeiðum hvar sem er í heiminum.

 

Suzuki

 

 

Suzuki